Агаар сансрын технологийн хоёрдугаар хурлыг ШУА-ийн Физик, Математик, Информатикийн салбарын Бага чуулган, Цахим хөгжил, харилцаа холбооны яам, ШУА-ийн Одон орон, геофизикийн хүрээлэнтэй хамтран доктор Б.Бадмажабын 100 жилийн ойд зориулан зохион байгуулсан. Уг хуралд нийт 9 байгууллагын 21 илтгэлийг 3 салбарт хамааруулан хэлэлцүүлсэн. 

Шилдэг илтгэлээр судлаачдын төрөлд 

ШУА-ийн Физик, технологийн хүрээлэнгийн эрдэм шинжилгээний ажилтан Л.Мөнхжаргал “Нарны аймаг дахь гариг хоорондын шокийн түгэлт”; 

оюутны төрөлд 

МУИС-ийн ШУС, физикийн тэнхим Б. Балжмаа “Говийн гэрлийн ойлтын спектрийн шинж чанарыг өнцгөөс хамааруулан судлах нь: Хиймэл дагуулын өгөгдлийн шинжилгээнд ашиглах”; 

МУИС-ийн Нано хиймэл дагуул хөгжүүлэлтийн лаборатори Н.Сундуй “I ангиллын пуужингийн хөдөлгүүрийн шинэ загварыг Калийн-нитрат болон Сорбиталь агуулсан хатуу түлшээр турших нь” сэдвээр тус тус байр эзэлж цом, өргөмжлөл, мөнгөн шагналын эзэд боллоо.